جارج ایچ ڈبلیو بش امریکہ کے صدرکیسے بنے؟
جارج ایچ ڈبلیو بش کے نام سے مشہور امریکہ کے 41ویں صدر کا پرانا نام جارج بش تھا۔ انکے بیٹے جارج ڈبلیو بش نے جب 2000 میں امریکی صدارتی انتخابات میں فتح پائی تو جارج بش کا نام جارج بش سینئیر یا پھر جارج ایچ ڈبلیو بش تمام حلقوں میں کہلانے لگا۔
1941 میں امریکہ کے 41ویں صدر نے فلپ اکیڈمی سے گریجویشن مکمل کرنے کے بعد عین اٹھارہ سال کی عمر میں امریکی بحری فوج میں شمولیت اختیار کی۔ جب جاپان نے اچانک ہوائی میں پرل ہاربر پر حملہ کیا۔ اس دوسری جنگ عظیم میں جاپان کو شکست ہوئی، جسکی وجہ سےاعزازی طور پر 1947 جارج بش سینئیر کو ڈسچارج کیا گیا۔
6 جنوری 1945 کو جارج ایچ ڈبلیو بش، باربرا پیرسہ سے رشتہ ازدواج میں منسلک ہوگئے۔ سابق امریکی صدر کے آنگن میں چھ بچوں نے آنکھ کھولی ۔
نیوی سے ڈسچارج ہونے کے بعد سابق امریکی صدر نے ییل یونیورسٹی سے اکنامکس میں گریجویشن مکمل کیا۔ اور واپس مغربی ٹیکساس اپنی فیملی کے پاس منتقل ہوئے اور وہاں آئل کے کاروبار سے منسلک ہوئے۔ جس میں کامیابی کے منازل تیز رفتاری سے طے کرتے ہوئے 1964 میں یعنی چالیس سال کی عمر میں ارب پتی بن گئے اور انہوں نے اپنی آئل کمپنی لگالی۔
اس کے بعد انہوں نے باقاعدہ سیاست کے میدان میں قدم رکھا۔ امریکی سینیٹ انتخابات 1964 میں جوکہ انکا پہلا الیکشن تھا میں شکست ہوئی لیکن وہ ہاؤس آف ریپریزنٹیٹیوز 1966 میں ٹیکساس سے منتخب ہوئے۔ یہ انکی سیاسی کیرئیر کی پہلی فتح تھی۔ 1968 میں وہ دوبارہ منتخب ہوئے۔ جبکہ انکو 1970 کے امریکی سینیٹ کے انتخابات میں دوبارہ ناکامی سے دوچار ہونا پڑا۔
1971 میں امریکی صدر رچرڈ نکسن نے جارج بش سینئیر کو یونائیٹڈ نیشن کیلئے امبیسیڈر منتخب کرلیا، جہاں انہوں نے دوسال تک فرائض سرانجام دیے۔ 1973 میں وہ ریپبلکن نیشنل کمیٹی کے چئیرمین بن گئے۔ اسی سال امریکی صدر گیرالڈ فورڈ نے انکو چائینہ کیلئے ایمبیسیڈر منتخب کیا لیکن بعد میں انکو سی آئی اے کا ڈائریکٹر تعینات کیا گیا۔
1980 میں رونلڈ ریگن امریکہ کے صدر جبکہ سینئیر بش نائب صدر منتخب ہوئے۔ جسکے بعد وہ آٹھ سال تک اس عہدے پر فائز رہے۔ وہ اس دوران خاص طور پر منشیات کیخلاف کمربستہ رہے۔ 1988 کے امریکی صدارتی انتخابات میں جارج ایچ ڈبلیو بش نے کانگریس کے بل کلنٹن کو شکست دیکر فتح حاصل کی اور وہ امریکہ کے 41ویں صدر کے طور پر منتخب ہوئے۔ جارج بش سینئیر 1993 تک صدر کے عہدے پر فائز رہے۔
سینئیر بش بہت سارے معاشرتی سرگرمیوں میں ملوث رہے۔ سینئیر بش کے بیٹے جارج ڈبلیو بش 2000 کے امریکی صدارتی انتخابات میں کامیاب ہوئے اور امریکہ کے 43ویں صدر بنے۔ جبکہ انکے دوسرے بیٹے جیب بش امریکی ریاست فلوریڈا کے 43ویں گورنر رہے۔
جارج ایچ ڈبلیو بش 30 نومبر 2018 کو 94 برس کی عمر میں اپنے خالق حقیقی سے جاملے۔ سینئیّر بش کو سب سے لمبی زندگی جینے والے امریکی صدر کا اعزاز بھی حاصل ہے۔
No comments: