جمہوریت کا پرچم نوجوانوں نے سنبھال لیا، جدوجہد، آئین کی حکمرانی اور پارلیمان کی بالادستی کی جیت ہوگی، آصف علی زرداری

تصویر بشکریہ آن لائن

سابق صدر آصف علی زرداری نے کہا کہ ملک کی تمام بیماریوں کا علاج میثاق جمہوریت ہی ہے۔

انہوں نے پی ڈی ایم کے کارکنان کا پیپلز پارٹی کے یوم تاسیس رکاوٹوں کے باوجود شرکت پر شکریہ ادا کیا، اور کہا کہ تمام کارکنان کو سلام پیش کرتا ہوں، جنہوں نے ملتان جلسہ میں شرکت کرکے یہ ثابت کردیا کہ وہ جیل، گولی یا لاٹھی سے ڈرنے والے نہیں ہیں۔

سابق صدر نے اپنی صاحبزادی آصفہ بھٹو زرداری کے سیاست میں انٹری پر اطمینان کا اظہار کرتے ہوئے کہا کہ جمہوریت کا پرچم نوجوانوں نے سنبھال لیا ہے، اب جدوجہد، آئین کی حکمرانی اور پارلیمان کی بالادستی کی جیت یقینی ہے۔

مزید برآں آصف علی زرداری نے ملک کی تمام بیماریوں کا علاج میثاق جمہوریت پر عمل قرار دیتے ہوئے کہا ہے کہ سیاسی جماعتوں اور جمہوریت کو کمزور کرنے سے قومی یکجہتی متاثر ہوتی ہے۔