ملالہ یوسفزئی کی ٹک ٹاک پر انٹری، پسندیدہ چیزوں سے متعلق پہلی ویڈیو شئیر کردی۔

نوبل انعام یافتہ ملالہ یوسفزئی کی ویڈیو شئیرنگ ایپ ٹک ٹاک پر انٹری، اپنی پسندیدہ چیزوں سے متعلق پہلی ویڈیو شئیر کردی۔

 23 سالہ ملالہ یوسفزئی نے اپنی پہلی ویڈیو میں ہائے ٹیک ٹاک کہنے کے بعد اپنا نام اور عمر بتاتے ہوئے کہا کہ میں لڑکیوں کی تعلیم کے حوالے سے کام کرتی ہوں۔ شاید آپ میں سے کچھ لوگ مجھے پہلے سے جانتے ہو، یا اقوام متحدہ کے فلور سے کی گئی میری تقریر سنی ہو، یا پھر میری کتاب "آئی ایم ملالہ" پڑھی ہو۔ ٹک ٹاک کے ساتھ انہوں نے یہ ویڈیو انسٹاگرام پر بھی شئیر کی۔

 مزید ان کو نہ جاننے والوں کے لیے خود کو متعارف کراتے ہوئے ملالہ نے کہا کہ وہ حال ہی میں آکسفورڈ سے گریجویٹ ہوئی ہے جبکہ انہیں شوز اور مزاح کے ساتھ ساتھ کتابیں پڑھنا بھی اچھی لگتی ہے۔ 

 اس کے علاوہ کم عمر ترین نوبل انعام یافتہ ملالہ نے بتایا کہ وہ گزشتہ 12 سال سے دنیا بھر کی لڑکیوں کی تعلیم کے لیے سرگرم ہے۔

 فنڈز اکٹھا کرنے والی امریکی مہم "گیونگ ٹیوزدے" کے ساتھ ساتھ انہوں نے 56 سیکنڈز کی ویڈیو میں اپنے ناظرین سے ملالہ فنڈز کو بھی سپورٹ کرنے کی درخواست کی۔ ان کی اس ویڈیو کو ہزاروں صارفین نے نہ صرف دیکھا بلکہ لائیک بھی کیا۔

 یاد رہے ملالہ یوسفزئی ٹک ٹاک ایپ چیریٹی فنڈز کے لئے عطیات اکٹھا کرنے کے لئے استعمال کر رہی ہے۔