توشہ خانہ ریفرنس؛ نیب کا سابق صدر اور سابق وزرائے اعظم کے خلاف احتساب عدالت میں 40 سے زائد گواہان پیش کرنے کا فیصلہ

 

نیب نے توشہ خانہ ریفرنس کیس میں سابق صدر آصف علی زرداری سمیت سابق وزرائے اعظم میاں نواز شریف اور یوسف رضا گیلانی کے خلاف 40 سے زائد گواہان اسلام آباد کی احتساب عدالت میں پیش کرنے کا حتمی فیصلہ کرلیا ہے۔ جبکہ احتساب عدالت اسلام آباد میں جج اصغر علی نے توشہ خانہ کیس کی سماعت کی۔

مزید جعلی اکاؤنٹس سمیت 4 مقدمات میں سابق صدر آصف علی زرداری کے خلاف کل گواہان کی تعداد 200 سے زائد ہوگئی ہے، جبکہ سابق وزیراعظم یوسف رضا گیلانی کے خلاف ان کی پرنسپل سیکرٹری نرگس سیٹھی بھی گواہان کی فہرست میں شامل ہے۔

توشہ خانہ کیس میں نیب گواہوں کی مکمل فہرست عدالت میں سماعت کے دوران جمع کرادی گئی ہے جبکہ سابق صدر کی آج حاضری سے استثنی کی درخواست بھی منظور کرلی گئی ہے۔

مزید برآں سماعت کے دوران سابق صدر کے وکلاء اور نیب پراسیکیوٹر کے مابین  تلخ جملوں کا تبادلہ بھی ہوا۔